Early Dawn Microfinance Company Limited (DAWN) သည် မြန်မာနိုင်ငံရှိ တစ်နိုင်တစ်ပိုင် စွန့်ဦးတီထွင် လုပ်ငန်းရှင်များနှင့် အသေးစား စီးပွားရေးလုပ်ငန်းများကို အဓိကထား ငွေကြေးဝန်ဆောင်မှုပေးသည့် အစောဆုံး ဖွဲ့စည်း တည်ထောင်ခဲ့သော အသေးစား ငွေရေးကြေးရေးအဖွဲ့အစည်းများထဲမှ တစ်ခု ဖြစ်ပါသည်။ မူလက Save the Children International ၏ လက်အောက်ရှိ စီမံချက်တစ်ခုအနေဖြင့် ၂၀၀၂ခုနှစ်တွင် စတင်ခဲ့ပါသည်။ ၂၀၁၅ခုနှစ်တွင် Accion International, FMO (Dutch Development Bank) နှင့် Triodos Investment Management တို့သည် အကျိုးတူပူးပေါင်းပြီး DAWN တွင် ရင်းနှီးမြှုပ်နှံခဲ့ပါသည်။ မြန်မာနိုင်ငံတွင် စတင်ဖွံဖြိုးလာသော အသေးစားငွေရေးကြေးရေး အဖွဲ့အစည်းများ အတွက် စံပြအဖွဲ့အစည်းတခု အဖြစ်ရပ်တည်နိုင်ရေးနှင့် နိုင်ငံဖွံ့ဖြိုးတိုးတက်ရေး အခန်းကဏ္ဍများတွင်လည်း တစ်ဖက်တစ်လမ်းမှ ပါဝင်ဦးဆောင်နိုင်ရန် ရည်ရွယ်ချက်တို့ဖြင့် တည်ထောင်ခဲ့သည်။ ထိုအချိန်မှစ၍ DAWN သည် မြန်မာနိုင်ငံတွင် အကြီးမားဆုံး MFI များထဲမှ တစ်ခုအဖြစ် တိုးတက်အောင်မြင်ခဲ့သည်။ လက်ရှိ ဝန်ဆောင်မှုပေးလျက်ရှိသော နေရာဒေသများတွင် သာမက အသစ် သစ်သော နေရာဒေသများတွင်လည်း တီထွင်ဆန်းသစ်သည့် ပုံစံများနှင့်အတူ ငွေကြေးဝန်ဆောင်မှုများကို အဆင့်မြှင့်တင်လျက် ဈေးကွက်တိုးချဲ့နေပါသည်။ DAWN သည် စီမံကိန်း၊ ဘဏ္ဍာရေးနှင့် စက်မှုဝန်ကြီး ဌာနတွင် မှတ်ပုံတင်ထားပြီး ငွေရေးကြေးရေး ကြီးကြပ်စစ်ဆေးရေး ဦးစီးဌာနက တရားဝင်ခွင့်ပြုထားသော ချေးငွေစုငွေလုပ်ငန်း လိုင်စင်ဖြင့် လုပ်ငန်းဆောင်ရွက်လျက် ရှိပါသည်။